Pandemııa bastalǵaly 4 myńǵa jýyq túrkistandyq koronavırýstan jazyldy

TÚRKІSTAN. QazAqparat - Sońǵy bir táýlik ishinde óńir boıynsha koronavırýs ınfektsııasyn juqtyrýdyń 23 jaǵdaıy rastaldy. COVID-19 ınfektsııasynyń kúndelikti ósý deńgeıi 0,55% tóńireginde, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Jalpy alǵanda pandemııa bastalǵaly beri óńirde 4 148 jaǵdaı tirkelgen. Onyń ishinde 3900 emdelýshi aıyqqan, al sımptomsyz 2898 azamat aýyrǵan.

Oblys aýmaǵynda PTR-synaq ádisimen jarty mıllıonǵa jýyq zerthanalyq zertteý jasalǵan. Búgingi kúnge 256 adam ınfektsııalyq jáne karantındik jaǵdaıda emdeýde. Túrkistan oblysy «jasyl aımaqta».

Aıta keteıik, oblys aýmaǵynda 610 ınfektsııalyq jáne 340 karantındik oryn daıyn. Vırýstyń órshigen alǵan jaǵdaıda, olardyń sanyn 6 myńǵa deıin kóbeıtýge múmkindik bar.