Pandemııa álem ony toqtatýdy tolyq qalaǵan kezinde aıaqtalady – DDSU basshysy

BERLIN. TASS-QazAqparat – Álemniń pandemııanyń jeńýi úshin medıtsınalyq múmkindikterin qosqanda, barlyq quraldary bar. Alaıda olar tıisti deńgeıde qoldanylmaıdy. Bul týraly jeksenbi kúni Dúnıejúzilik densaýlyq saqtaý uıymynyń (DDSU) bas dırektory Tedros Adanom Gebreıesýs málim etti, dep habarlaıdy QazAqparat TASS agenttigine silteme jasap.

Berlınde ótip jatqan Densaýlyq saqtaý sammıtinde Gebreıesýs álem qaýymdastyǵyn jyldyń sońyna deıin barlyq elderde vaktsınanalaýmen qamtýdy kem degende 40%-dan asyrýǵa shaqyrdy. Ol ózine pandemııanyń qashan aıaqtalatyny týraly suraqtyń jıi qoıylatynyn málimdedi.

«Meniń jaýabym mynadaı: Pandemııa álem ony toqtatýdy tolyq qalap iske kiriskende kezde ǵana aıaqtalady. Bári óz qolymyzda», - dedi DDSU basshysy.

Ol álem qaýymdastyǵynyń pandemııany jeńýi úshin barlyq qajet quraldardyń bar ekenin atap ótti. Olardyń qatarynda qoǵamdyq densaýlyqty saqtaý jáne medıtsınalyq múmkindik bar.

«Alaıda álem óz múmkindigin tıisti deńgeıde qoldanǵan joq. Kúndelikti 50 myń adam vırýstan qaıtys bolyp jatyr, pandemııa aıaqtalǵan joq. Munyń ózi tek bizge belgili statıstıka», - dedi bas dırektor.

Ol DDSU-nyń buryn jarııalaǵan maqsatyn atap ótti. Ol – 2021 jyldyń sońyna deıin ár el halqyn kem degende 40% vaktsınalaýmen qamtý. Bul vaktsınany jetkizýdi baqylaıtyn elder men kompanııalar aıtqandaryn oryndaǵan jaǵdaıda ǵana júzege aspaq, dedi Gebreıesýs.

Ol halqynyń 40%-y vaktsına saldyrǵan elderdi COVAX halyqaralyq mehanızmi men Afrıkanyń vaktsına satyp alý jónindegi maqsatty tobyna (AVAT) preparattar jetkizip otyrýǵa shaqyrdy. Olardyń qatarynda G20 elderi bar.