Pan Gı Mýn: BUU maqsaty - 2030 jyly genderlik teńdikke qol jetkizý

ASTANA. QazAqparat - BUU maqsaty - 2030 jyly áıelderdiń teń quqyqtary men múmkindikterine qol jetkizý, dep málimdedi «Álem áıelderi-2015» baıandamasynyń tanystyrylymynda uıymnyń bas hatshysy Pan Gı Mýn.

BUU áıel quqyqtary jónindegi birinshi konferentsııasy 1995 jyly Beıjińde ótti. Osy ýaqyt ishinde, Pan Gı Mýnnyń aıtýynsha, áıelder quqyqtary máselesi eleýli jaqsarǵan, dep habarlady Bı-Bı-Sı .

Mıllıondaǵan áıelder burynǵysha zorlyq-zombylyq pen kemsitýshilikke tap bolyp jatqanyna qaramastan, áıelder álemdegi saýatsyz adamdardyń 2/3-in quraıdy.

Olardyń kópshiligi tómen jalaqyǵa eńbek etýge májbúr. Ońtústik Azııa men Afrıkada bala týý kezindegi ólim-jitim óte joǵary deńgeıde qalyp otyr.

Bul rette áıel ómiriniń ortasha uzaqtyǵy 20 jylda 64-ten 74-ke deıin jetse, baıandamaǵa sáıkes neke qııýdyń ortasha jasy qazirgi sátte 25 jasty quraıdy.

Budan basqa, Pan Gı Mýnnyń aıtýynsha, sońǵy jyldary áıelderdiń bilim alýy arta túskeni baıqalady.

Uıym áıel quqyqtary týraly esepti bes jylda bir ret jarııalaıdy.