Pan Gı Mýn: BUU qundylyqtaryn nasıhattaýda N.Mandeladan artyq eshkim kúsh jumsaǵan joq

ASTANA. 6 jeltoqsan. QazAqparat - Birikken Ulttar Uıymynyń Bas hatshysy jýrnalısterge bergen suhbatynda ómirden ozǵan OAR-dyń burynǵy prezıdenti Nelson Mandelany «ádilettik, adamgershilik teńdik pen erkindik úshin aıanbaı kúresken alyp adam» dep baǵalap, onyń ómiri búkil álem boıynsha kóptegen adamdarǵa kúsh, jiger bergenin atap ótti, dep habarlady RBK.

«Bizdiń zamanymyzda Birikken Ulttar Uıymynyń qundylyqtaryn nasıhattaýda, alǵa jyljytýda, ilgeriletýde Nelson Mandeladan artyq eshkim kúsh jumsaǵan joq. Ol eger armanǵa senip, ádildik pen adamgershilik úshin bir judyryqtaı jumylyp jumys istesek, árqaısymymyz búgingi álem úshin ne isteı alatanymyzdy kórsetip ketti», - dedi Pan Gı Mýn.

Ol álemde ádildik ornatý jolynda eńbek etýimiz úshin halyqty ár kúni N.Mandelanyń ómirimen jigerlendirip otyrýǵa shaqyrdy.

Nelson Mandelanyń o dúnıege attanyp ketkeni týraly sýyq habar BUU Qaýipsizdik Keńesine Rýanda men burynǵy ıÝgoslavııa elderiniń máselelerin talqylap jatqanda keldi. Otyrys sol jerde toqtatylyp, oǵan qatysýshylar N.Mandelany bir mınýt únsizdikpen eske aldy.

Eske sala keteıik, 95 jastaǵy N.Mandela búgin, ıaǵnı 6 jeltoqsanda Iohannesbýrgtegi óz úıinde ómirden ótti.