Pan Gı Mýn BUU bosqyndar isi boıynsha joǵarǵy komıssardy aýystyrýǵa nıetti

ASTANA. QazAqparat - BUU Bas hatshysy uıymnyń bosqyndar isi jónindegi Joǵarǵy komıssary laýazymyna ıtalııalyq Fılıppo Grandıdi taǵaıyndamaq. Bul sheshimi týraly Pan Gı Mýn BUU Bas Assambleıasynda eskertti, dep jazdy RIA «Novostı» .Uıymnyń baspasóz qyzmetinen habarlaǵandaı, Pan Gı Mýn uıymǵa múshe elderdiń aımaqtyq top tóraǵalarymen keńesken soń osyndaı sheshimge kelgenin jetkizdi.

Endi jarııalanǵan kandıdatýra máselesi kelesi aptada qarastyrylady.

Grandı 2010 jyldan 2014 jylǵa deıin palestınalyq bosqyndarǵa kómektesý jáne jumystardy uıymdastyrý boıynsha Taıaý shyǵystaǵy agenttikti (UNRWA/BAPOR) basqardy, oǵan deıin Aýǵanstandaǵy BUU mıssııasy arnaıy ókiliniń orynbasary boldy. Buryn Grandı bosqyndar isi boıynsha BUU joǵarǵy komıssar basqarmasynda túrli qyzmetterde bolǵan. Ol Sýdan, Sırııa, Túrkııa, Irakta jumys istedi, sonymen qatar Kenııa, Kongo Demokratııalyq respýblıkasy men Iemendegi jedel sharalarǵa qatysty. Qazirgi ýaqytta 2005 jyldan beri BUU-nyń bosqyndar isi jónindegi Joǵarǵy komıssar bolyp Antonıý Gýterrısh qyzmet etýde.