Palestınalyq jasóspirim áskerı shabýyl kezinde qaza tapty

AMMAN. QazAqparat - Palestına Densaýlyq saqtaý mınıstrligi Izraıl armııasynyń Iordan ózeniniń batys jaǵalaýyndaǵy Vıfleem qalasyna jasaǵan shabýyly nátıjesinde 14 jasar jasóspirimniń qaza tapqanyn habarlady, dep habarlaıdy QazAqparat AlJazeera agenttigine silteme jasap.

Palestına ókiliniń habarlaýynsha, Vıfleem qalasyndaǵy «Dheıshe» bosqyndar lagerinde 14 jastaǵy jasóspirimi Izraıl áskerı kúshteriniń lagerge jasaǵan shabýyly kezinde basynan aýyr jaraqat alǵan. Keıin ol aýrýhanada kóz jumǵan.

Izraıl áskerı kúshteri tań atqansha lagerge reıd jasap, birneshe adamdy tutqyndady, artynsha Palestına jastarymen qaqtyǵys bastaldy. Palestınalyq BAQ jasóspirimniń ólimine Izraıl áskerılerin aıyptap otyr.

Aıta ketsek, jyl bastalǵannan beri Iordan ózeniniń batys jaǵalaýynda tórt palestınalyq jasóspirim kóz jumǵan. Ótken jyldyń naýryz aıynyń sońynan beri Izraıl armııasy Iordan ózeniniń batys jaǵalaýynda lańkestikke qarsy «Volnorez» operatsııasyn júrgizýde. Operatsııa Izraılde oryn alǵan birqatar lańkestik shabýyldardy toqtatý úshin bastaldy. Bul Palestınanyń aýyldarynda, qalalary men bosqyndar lagerlerinde turaqty reıdter men qaqtyǵystarǵa alyp keldi.

Foto: Hazem Bader/AFP