Palestınaǵa arnalǵan gýmanıtarlyq júk tıelgen TJM ushaǵy Mysyrǵa attandy

<p>Palestınaǵa gýmanıtarlyq júk tıegen ushaq Almatydan ushyp shyqty, dep habarlaıdy <a href="https://kaz.inform.kz/news/shigis-kazakstanda-narestelerge-kanday-esmder-zhi-koyiladi-be7196/Kazinform." target="_blank" rel="noopener">Kazinform.</a></p>

Ushaq ekıpajy aldymen Aqtaýǵa, odan ári Mysyrǵa kómekti qajetti jerge jetkizý úshin ushady.  Gýmanıtarlyq kómek Qazaqstan Respýblıkasynyń Prezıdenti Qasym-Jomart Toqaevtyń tapsyrmasyna sáıkes Palestına halqyn qoldaý aıasynda jiberildi.

Júk ushaǵymen memlekettik materıaldyq rezervten azyq-túlik pen tósek-oryn jabdyqtary túrindegi gýmanıtarlyq júkter, sondaı-aq «SK-Farmatsııa» JShS dári-dármekteri men medıtsınalyq buıymdar jóneltildi. Júktiń jalpy kólemi 38 tonnadan asady. Gýmanıtarlyq júkterdi tıeýdi Tótenshe jaǵdaılar mınıstrligi áskerı bóliminiń kúshteri júrgizedi. Júk Qyzyl jarty aı qoǵamynyń ókilderine tapsyrylady.

Buǵan deıin habarlanǵandaı, Memleket basshysy Qasym-Jomart Toqaevtyń tapsyrmasyna sáıkes Qazaqstan Palestınaǵa qosymsha gýmanıtarlyq kómek jiberedi. Gýmanıtarlyq kómekke salmaǵy 38 tonnadan asatyn azyq-túlik, tósek-oryn jabdyqtary, dári-dármek jáne medıtsınalyq buıymdar kiredi. 

Munyń aldynda Qazaqstan Palestına halqyna 1 mıllıon dollar kóleminde gýmanıtarlyq kómek kórsetti. Qazaqstan Respýblıkasy Syrtqy ister mınıstrliginiń málimeti boıynsha, Parsy shyǵanaǵy arab memleketteri yntymaqtastyq keńesiniń memleketteri, AQSh, Eýropalyq Odaq, Kanada, Ulybrıtanııa, Japonııa, Reseı, Qytaı jáne basqa da kóptegen el Gaza sektory men Batys jaǵalaýda zardap shekken Palestına halqyna qarjylyq jáne gýmanıtarlyq kómek kórsetý týraly sheshim qabyldady.