Palestınada 4,8 baldyq jer silkinisi boldy

ASTANA. QazAqparat – Palestınada 4,8 baldyq jer silkinisi boldy, dep habarlaıdy QazAqparat Anadolý agenttigine silteme jasap.

Bul týraly Palestınanyń resmı AFP aqparat agenttigi Nablýs Djalal Ál-Dýbeıktegi seısmologııalyq ortalyqqa silteme jasap málimdegen.

Habarlamaǵa sáıkes, jer silkinisiniń oshaǵy 10 km tereńdikte jatqan. Jerasty dúmpýleri Ierýsalımde, Ramallada jáne Nablýsta sezildi.

Jábirlenýshiler men qıratýlar týraly áli aqparat bolǵan joq.

Buǵan deıin habarlanǵandaı búgin jergilikti ýaqytpen túngi saǵat 03:22 Túrkııada 4 baldyq taǵy da jer silkinisi boldy. Keshe de Túrkııanyń Adyıaman provıntsııasynda magnıtýdasy 5,3 bolatyn jer silkinisi tirkeldi.

Foto: aa.com.tr