Palestına jaqtastary Aq úıdiń qorshaýyn búldirdi

<p>Senbi kúni keshkisin Aq úı mańynda narazylyq sharasy ótip, Palestına jaqtastarynyń agressıvti toby qorshaýdy búldirdi. <a href="https://kaz.inform.kz/" target="_blank" rel="noopener">Kazinform</a> bul týraly <a href="https://nypost.com/2024/01/13/news/pro-palestinian-protesters-chant-anti-biden-slogans-outside-white-house/" target="_blank" rel="noopener">New York Post</a> basylymyna silteme jasap habarlaıdy.&nbsp;</p>

Sherý qarqyn alǵan kezde ǵımarat qyzmetkerleri men BAQ ókilderi saqtyq sharasy retinde evakýatsııalandy. Qorshaý jartylaı aýystyryldy jáne narazylyq bildirýshiler qorǵalatyn aýmaqqa kirmeý úshin polıtsııanyń shara qoldanýyna týra keldi.

Qupııa qyzmet ókilderi Aq úıdiń qorshaýy búlingenimen, onyń ishindegi ákimshilik ǵımarattar buzylmaǵanyn málimdedi.

Keıbir narazylyq bildirýshiler úkimet qyzmetkerlerine sý quıylǵan bótelkeler men Palestına týynyń taıaqshalaryn laqtyrsa, basqalary qorshaýdan asyp ketpek bolǵan. Eshkim qamaýǵa alynbady.

Myńdaǵan narazylyq bildirýshi AQSh prezıdenti Djo Baıdenge qarsy negatıvti urandar aıtyp, ony Gaza sektoryndaǵy ızraıldik áskerı áreketti toqtatýǵa shaqyrdy. «Siz balalardy óltirýdi qoldaısyz!», «Baıdenniń qoly qanda», «Gaza aman bolsyn» dep urandady olar.

Mıtıngide 100 kúnge sozylǵan qaqtyǵysta Gaza sektorynda qaza tapqandardyń kóptigi aıtyldy. Sonymen qatar Baıden ákimshiliginiń ótken aıda evreı memleketine quny 106 mıllıon dollar bolatyn 14 myńǵa jýyq tank oq-dárileri arqyly Izraılge qoldaý bildirgeni talqylandy.