Palestına men Izraıl qaqtyǵysy: qansha adam qaza tapty

<p>Palestına densaýlyq saqtaý mınıstrligi, Palestına Qyzyl jarty aı qoǵamy men Izraıl Medıtsına qyzmetiniń derekterin negizge ala otyryp, jergilikti ýaqytpen 14:00-degi jaǵdaı boıynsha Palestına-Izraıl soǵysynda qansha adam qaza tapqany týraly derekter jarııalandy, dep habarlaıdy <a href="https://kaz.inform.kz/" target="_blank" rel="noopener">Kazinform </a>agenttigi <a href="https://www.aljazeera.com/news/liveblog/2023/10/9/israel-hamas-war-live-news-gaza-under-non-stop-bombardment" target="_blank" rel="noopener">Al Jazeera</a> basylymyna silteme jasap.&nbsp;</p>

Gaza sektorynda 510 adam qaza taýyp, 2 750-den astam turǵyn jaralanǵan.

Izraılge keler bolsaq, 800-den astam adam óltirilgen, jaraqat alǵandar sany 2243 adamnan asady.

Senbi kúni palestınalyq HAMAS toby Izraılge shabýyl jasap, el soǵys jaǵdaıyna kóshkennen keıin birqatar memleket azamattaryn Izraılden evakýatsııalaýdy uıymdastyrǵanyn eske sala keteıik.

Dúısenbi kúni tańerteń Izraıl áskeriniń resmı ókili barlyq eldi meken baqylaýǵa alynǵanyn jáne Izraıl aýmaǵynda áskerı is-qımyl júrgizilip jatqan joq dep málimdedi. Degenmen Izraıl aýmaǵynda áli de HAMAS áskeri bolýy múmkin ekeni aıtylady.

Búgin HAMAS Tel-Avıvtegi áýejaıǵa zymyran ushyrǵany belgili boldy. Sondaı-aq Izraıl qorǵanys mınıstri Ioav Gallant Gazanyń tolyq oqshaýlanǵanyn málim etti. Ol jaqta jaryq, tamaq jáne otyn joq.