Palestına basshysy Gaza sektoryna barýdy josparlap otyr

<p>ASTANA. KAZINFORM &ndash; Palestına ulttyq avtonomııasynyń jetekshisi Mahmýd Abbas Gaza sektorynda jalǵasyp jatqan soǵysqa baılanysty qaýip-qaterge qaramastan, ol jerge barýǵa nıetti. Bul týraly ol beısenbi, 15 tamyzda Túrkııa parlamentiniń kezekten tys otyrysynda sóılegen sózinde málimdedi, dep jazady <a href="https://www.dw.com/ru/mahmud-abbas-zaavil-o-planah-posetit-sektor-gaza/a-69954664" target="_blank" rel="noopener">DW.</a></p>

– Bizde basqa amal qalǵan joq, men jáne Palestına bıliginiń barlyq músheleri Gazaǵa barýǵa sheshim qabyldadyq jáne biz ony oryndaımyz. Bizdiń ómirimiz Gaza sektoryndaǵy birde-bir balanyń ómirinen artyq emes, – dedi Abbas.

88 jastaǵy Palestına basshysy 45 mınýttyq sózinde Túrkııa men túrik halqyna Palestına quqyqtaryn qoldaǵany jáne gýmanıtarlyq kómek kórsetkeni úshin alǵys aıtyp, Izraıldi Gaza sektoryndaǵy «genotsıd» dep aıyptady. Ol Palestına halqynyń óz jerleri úshin kúresindegi tabandylyǵyna toqtaldy.

– Palestınalyqtar óz quqyqtaryn qorǵaýdy jalǵastyrady jáne óz jerlerin tastamaıdy, – dedi ol.

Abbas Ankaraǵa 14 tamyzda Máskeý saparynan keıin erteńine bardy. Palestına basshysy 13 tamyzda Reseı prezıdenti Vladımır Pýtınmen kelissózder kezinde halyqaralyq qaýymdastyqty Palestına máselesi boıynsha beıbit konferentsııa ótkizýge shaqyrdy. Onyń pikirinshe, bul palestınalyqtar halyqaralyq qoǵamdastyqtyń «eki halyq úshin eki memleket» qaǵıdatyn júzege asyrý múmkindigine shyndap qaraıtyndyǵyna úmit artýy kerek.

Aıta keteıik, Gazada qaza tapqan palestınalyqtardyń sany 40 myńnan asty.