Pákistannyń eks-premeri memlekettik qupııany jarııa etkeni úshin 10 jylǵa sottaldy

<p>ASTANA. KAZINFORM &ndash; Pákistanda sot eldiń burynǵy premer-mınıstri Imran Handy memlekettik qupııalardy jarııa etti degen aıyppen 10 jylǵa bas bostandyǵynan aıyrdy, dep habarlaıdy <a href="https://ru.euronews.com/2024/01/30/former-pakistan-prime-minister-sentenced-to-10-years-in-prison" target="_blank" rel="noopener">Euronews agenttigi</a>.&nbsp;</p>

Dál osyndaı merzimge Pákistannyń burynǵy syrtqy ister mınıstri jáne Hannyń «Ádildik úshin qozǵalys» partııasy tóraǵasynyń orynbasary Shah Mehmýd Kýreshı sottaldy.

Aıyptaý úkiminde kórsetilgendeı, Han Pákistannyń Vashıngtondaǵy elshisiniń úkimetke jibergen qupııa jedelhatynyń mazmunyn jarııalaǵan.

Otyrys Ravalpındıdegi túrmede ótti. Onda burynǵy premer jemqorlyq úshin taǵaıyndalǵan úsh jyldyq jazasyn ótep jatyr.

71 jastaǵy Imran Han ózine taǵylǵan aıyptardy joqqa shyǵaryp, olardyń «saıası astary bar» ekenin aıtty.

Aıta keteıik, jańa úkim Pákistanda 8 aqpanda ótetin jalpy saılaýǵa 10 kún qalǵanda shyǵaryldy.