Pákistandaǵy qaqtyǵysta 4 áskerı qyzmetker qaza tapty

<p>ASTANA. KAZINFORM &ndash; Pákistan armııasy alty shabýyldaýshynyń kózin joıdy. Bul týraly <a href="https://www.aa.com.tr/ru/%D0%BC%D0%B8%D1%80/%D0%B2-%D1%81%D1%82%D0%BE%D0%BB%D0%BA%D0%BD%D0%BE%D0%B2%D0%B5%D0%BD%D0%B8%D1%8F%D1%85-%D0%B2-%D0%BF%D0%B0%D0%BA%D0%B8%D1%81%D1%82%D0%B0%D0%BD%D0%B5-%D0%BF%D0%BE%D0%B3%D0%B8%D0%B1%D0%BB%D0%B8-4-%D0%B2%D0%BE%D0%B5%D0%BD%D0%BD%D1%8B%D1%85-/3303097" target="_blank" rel="noopener">Anadoly agenttigi</a> jazdy.</p>

Haıber-Pahtýnhva provıntsııasynda bolǵan qaqtyǵys kezinde 4 áskerı qyzmetker men 6 shabýyldaýshy qaza tapty.

Pákistan armııasynyń habarlaýynsha, áskerıler men shabýyldaýshylar arasyndaǵy qaqtyǵys Ońtústik Vazırıstan aımaǵynda órshigen. 

Pákistan armııasy shabýyl jasaǵandardyń qaı uıymnyń múshesi ekeni týraly aqparatpen bólisken joq. 

Bıyl Haıber-Pahtýnhva men Belýdjıstan provıntsııalarynda shabýyldar kóbeıgen. 

Islamabad bul shabýyldardy Aýǵanstanda ornalasqan pákistandyq tálipter josparlap, uıymdastyrdy dep málimdep otyr. Al, Aýǵanstan bul aıyptardy joqqa shyǵardy.

Aıta keteıik, AQSh-ta Trampty óltirýge tapsyrys berdi degen kúdikpen Pákistan azamaty ustalǵan edi. Sondaı-aq Pákistandaǵy sý tasqyny eki kúnde 35 adamnyń ómirin qıdy.