Pákistanda jankeshti shabýyldan 23 soldat qaza tapty

<p>Alty adamnan turatyn jankeshtiler toby seısenbi kúni Pákistannyń soltústik-batysyndaǵy áskerı lagerge jarylǵysh zat tıelgen júk kóligin aıdap baryp, kem degende 23 sarbazdy óltirgen, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttigi <a href="https://www.reuters.com/world/asia-pacific/militant-attack-kills-four-security-officials-northwest-pakistan-official-2023-12-12/" target="_blank" rel="noopener">Reuters</a>-ke silteme jasap.&nbsp;</p>

Shabýyl Aýǵanstanmen shekaralas shalǵaıdaǵy Dera Ismaıl Han aýdanynda bolǵan. Alty shabýylshynyń barlyǵy da qaza tapqan.

Buǵan deıin qaýipsizdik qyzmetkerleri qaza tapqandar sany 24 bolǵanyn aıtqan bolatyn.

Armııa Daraban aýdanyndaǵy polıtsııa bólimshesi aýmaǵynda bazalyq lager qurdy.

«Postqa kirý áreketine nátıjeli túrde toıtarys berildi. Bul lańkesterdi jarylǵysh zaty bar kólikti beketke soǵýǵa májbúr etti. Sodan keıin shabýyl jasaldy», – delingen armııa málimdemesinde.