Pákistanda narazy top pen polıtsııa arasynda qaqtyǵys bolyp, 6 adam qaza tapty

<p>ISLAMABAD. KAZINFORM &mdash; Pákistannyń burynǵy premer-mınıstri Imran Hannyń túrmeden bosatylýyn talap etken jaqtastary polıtsııamen qaqtyǵysyp, Islamabad ortalyǵyna bılik ornatqan qorshaýlardy buzyp ótti. Eki tarapta kem degende alty adam qaza tapty, dep jazady <a href="https://www.bbc.com/russian/articles/c789pdd7vpdo" target="_blank" rel="noopener">VVS.</a></p>

Polıtsııa men sarbazdar kóp uzamaı narazylyq bildirýshilerdi taratyp úlgergen.

— Islamabadtaǵy shıelenis tún bolǵanda qaıta jandanýda, PTI jaqtastary kórshi aýdandarda qaıta toptasyp jatyr, ázirshe qaqtyǵystardan aýlaq turǵan sııaqty, — dep habarlaıdy BBC.

PTI — Imran Hannyń partııasy, Pákistandaǵy ádildik úshin qozǵalys (Pakıstan Tehrık-ı-Insaf).

Pákistan premer-mınıstri Shahbaz Sharıf sherýshiler óz kólikterimen tórt sarbazdy basyp óltirgenin aıtty.

PTI ókili Zýlfıkar Býharıdiń aıtýynsha, narazylyq bildirýshiler tarapynan eki adam qaza taýyp, 30 adam jaralanǵan. Qaza tapqandardyń birine oq tıgen, ekinshisin kólik basyp qalǵan.
Taraptardyń bul málimdemelerin tekserý áli qıyn.

Imran Hannyń myńdaǵan jaqtastary Islamabadqa jınalyp, ótken jyly jemqorlyqqa qatysy bar degen aıyppen túrmege jabylǵan 72 jastaǵy burynǵy premer-mınıstrdi bosatýdy talap etti.

Sherýshiler Islamabadtyń ortalyq alańyna jınalǵysy keldi, biraq bılik negizgi kósheler men joldardy teńiz júk konteınerlerinen jasalǵan tosqaýyldarmen jaýyp, elordaǵa eldiń túkpir-túkpirinen áskerıler men polıtsııany ákelgen.

Sherýshiler men polıtsııa arasynda qaqtyǵys bolyp, narazylyq bildirýshilerge qarsy kózden jas aǵyzatyn gaz ben rezeńke oqtar qoldanylǵan.

Aıta keteıik, buǵan deıin Pákistanda súnıtter men sheıitter qaqtyǵysyp, 33 adam mert bolǵany týraly jazǵan edik.