Pákistanda avtobýsqa shabýyl jasalyp, 9 adam qaza tapty

<p>Pákistannyń soltústiginde qylmyskerler avtobýsqa oq jaýdyryp, saldarynan 9 adam kóz jumdy, olardyń qatarynda eki sarbaz bar.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly&nbsp;<a href="https://abcnews.go.com/International/wireStory/militants-open-fire-bus-northern-pakistan-killing-9-105337536" target="_blank" rel="noopener">ABC News</a>&nbsp;basylymyna silteme jasap habarlaıdy.</p>

Oqıǵa senbi kúni keshke Gılgıt-Baltıstan óńiriniń soltústigindegi Chılas aýdanynda bolǵan.

Shabýyl kezinde júrgizýshi avtobýs rýline ıe bola almaı qalyp, júk kóligine soqtyǵysqan. Júk kóligi órtenip, saldarynan eki kóliktiń de júrgizýshisi qaza tapty.

Barlyǵy 26 adam zardap shegip, olar jergilikti aýrýhanaǵa jetkizildi.

Gılgıt-Baltıstannyń ishki ister mınıstri Shams Loýn jýrnalısterge bergen suhbatynda oqıǵa «lańkestik áreket» ekenin, óltirilgen adamdar qatarynda Pákistan áskeriniń eki sarbazy bolǵanyn habarlady.

Mınıstrdiń sózinshe, sol óńirdegi múftı Sher Zaman da jaraqat alǵan.

«Tehrık-ı-Talıban Pákistan» nemese TTP atymen tanymal pákistandyq tálipter ókili Mýhammad Horasanı óz málimdemesinde bul oqıǵaǵa toptyń qatysy joq ekenin aıtty.