Pákistanda aptap ystyq qurbandarynyń sany artty

<p>ASTANA. KAZINFORM &ndash; Pákistannyń ońtústiginde aýa temperatýrasy kóterildi, saldarynan zardap shekkender sany da artty. Densaýlyq saqtaý derekteri boıynsha, Karachı qalalyq máıithanasyna kún saıyn 30-40 adam jetkizilýde, dep habarlaıdy Kazinform agenttigi BBC-ge silteme jasap.</p>

Edhı jedel járdem qyzmetiniń dereginshe, sońǵy 6 kúnde Karachıde shamamen 568 máıit jınaldy, onyń 141-i seısenbi kúni tirkelgen. Ólim sanynyń ósýine Karachıdegi temperatýra 40°C-tan (104 °F) joǵary kóterilgeni jáne joǵary ylǵaldyqtan seziletin aýa 49°C-qa jetkeni sebep boldy. 

Jedel járdem bóliminiń bastyǵy doktor Imran Sarvar Sheıhtiń aıtýynsha, Karachı azamattyq aýrýhanasyna jeksenbiden sársenbige deıin ystyq ótken 267 adam keldi. Onyń 12-si kóz jumdy.

«Biz aýrýhanaǵa kelgen adamdardyń kópshiligi shamamen 60 nemese 70 jasta ekenin kórdik, tipti 45 jastaǵy, 20 jastaǵy naýqastar da boldy», — deıdi doktor Sheıh.

Sımptomdar arasynda qusý, dıareıa jáne dene qyzýynyń kóterilýi bar. Ásirese syrtta jumys istegender aýrýhanaǵa jıi túsken. Olarǵa kóp sý ishýge jáne jeńil kıim kııýge keńes berilgen.

Aptap ystyq demalys kúnderi bastalǵan, qalada halyqqa kómek kórsetý úshin ortalyqtar men lagerler quryldy.