Pákistanda 17 jastaǵy tennısshi qyz jarys kezinde kóz jumdy

<p>ASTANA. KAZINFORM &ndash; 17 jastaǵy pákistandyq tennısshi Zaınab Alı Nakvı Islamabadtaǵy jasóspirimder arasynda ITF-J30 sanatyndaǵy týrnır kezinde kóz jumdy.</p>

Pákistan tennıs federatsııasy taratqan málimetke qaraǵanda, dúısenbi kúni sportshy qyz kortta jattyqqan. Ol seısenbide match ótkizýi tıis bolatyn.

Keshkisin qyzdyń máıitin ájesi qonaqúı bólmesinen tapqan. Marqumnyń ólimi aýrýhanada tirkeldi, ol júrek talmasynan qaıtys bolǵan.

Pákistan tennıs federatsııasynyń prezıdenti Aısham Kýreshı Nakvı oınaýy tıis korttyń onyń esimimen atalatynyn jetkizdi. Sondaı-aq Pákstan astanasynda aldaǵy aptada bolatyn týrnır tennısshiniń qurmetine arnalmaq.

Atalmysh ITF-J30 jarysy tennısshini eske alý esebinde bir kúnge toqtatylǵan. 

Eske sala keteıik, budan buryn Elena Rybakınany Doha týrnıriniń shırek fınalyna ótkenin jazǵan bolatynbyz.

Sondaı-aq Aleksandr Býblık juptyq synda Rotterdam jarysynyń shırek fınalyna shyqty.