Pákistanda 11 kenshi metannan ýlanyp kóz jumdy

<p>ASTANA. KAZINFORM &ndash; Kvetta qalasynyń mańyndaǵy (Pákistannyń ońtústik-batysyndaǵy Belýdjıstan provıntsııasy) shahtada metannan ýlaný saldarynan 11 kenshi qaza tapty. Bul týraly Reuters agenttigine silteme jasap<a href="https://khovar.tj/rus/2024/06/v-pakistane-11-shahterov-pogibli-iz-za-otravleniya-metanom/" target="_blank" rel="noopener"> &laquo;Hovar&raquo;</a> agenttigi jazdy.</p>

«Metannyń jınalýy adamdardyń ólimine ákeldi», – dedi Belýdjıstan provıntsııasy úkimetiniń shahtalardyń bas ınspektory Abdýl Ganı Kakar.

Kenshiler shamamen 450 m tereńdikte jumys istegen. Al qutqarý toptary birneshe saǵattyq jumystan keıin olardyń denesin alyp shyqty.

Bas shahta ınspektory apattyń sebebin anyqtaý úshin tergeý júrgiziletinin qosa ketti.

Aıta keteıik, buǵan deıin Pákistanda avtobýs jardan qulap, 28 adam qaıtys bolǵanyn jazǵan edik.