Pákistan prezıdenti aıaǵyn syndyryp aldy

<p>ISLAMABAD. KAZINFORM &ndash; Pákistan prezıdenti Asıf Álı Zardarı Dýbaı halyqaralyq áýejaıynda ushaqtan túsý kezinde aıaǵyn syndyryp aldy. Bul týraly <a href="https://www.dawn.com/news/1868919/president-zardari-fractures-leg-while-deboarding-plane-at-dubai-airport" target="_blank" rel="noopener">&laquo;Dawn&raquo;</a> gazeti keshe, 31 qazanda prezıdent hatshylyǵynyń baspasóz qyzmetine silteme jasap habarlady.</p>

Aqparatqa sáıkes, memleket basshysy qulaǵannan keıin birden aýrýhanaǵa jetkizilip, medıtsınalyq tekserýden keıin aıaǵyna gıps salynǵan.

Zardarı qazir tolyq eńbek demalysynda ekeni atap ótildi. Prezıdent tórt apta boıy gıpspen júrýi kerek.

69 jastaǵy Prezıdenttiń sońǵy jyldary densaýlyǵyna baılanysty birneshe másele bolǵan. 2023 jyldyń naýryz aıynda ol Birikken Arab Ámirlikterinde kózine ota jasatty.

Sondaı-aq, Pákistan prezıdenti 2022 jyly Karachıdegi doktor Zıaýddın aýrýhanasyna keýde qýysynyń ınfektsııasyn emdeý úshin bir aptaǵa jatqyzyldy. Osylardan kelip shyqqan kóptegen qaýesetterden keıin onyń jeke dárigeri Asım Hýseın H áleýmettik jelisinde onyń «densaýlyǵy jaqsy» ekenin rastady.

Bir jyl buryn Zardarı úzdiksiz saparlarynyń saldarynan «fızıkalyq júkteme men sharshaǵandyqtan» Karachıdegi jeke aýrýhanada emdelgen.