Pákistan men Aýǵanstanda sý tasqyny saldarynan 135 adam qaza tapty

<p>ASTANA. KAZINFORM &ndash; Pákistan men Aýǵanstanda qolaısyz kún raıy júzdegen adamnyń ómirin qıdy. Negizinen pákistandyq fermerler bıdaı oryp jatqan kezde ústine jaı túsip, qaza boldy, dep habarlaıdy <a href="https://www.cbsnews.com/news/pakistan-afghanistan-flooding-severe-weather-rain-death-toll-increase/" target="_blank" rel="noopener">CBS News.</a></p>

Pákistannyń túrli aımaqtarynda 71 adam qaza taýyp, 67 adam jaraqat aldy. Eń kóp zardap shekken aımaq – eldiń soltústik-batysyndaǵy Haıber-Pahtýnhva provıntsııasy. Turǵyn ǵımarattardyń opyrylýy saldarynan onda 32 adam qaza tapty. 

Haıber-Pahtýnhvada qaza tapqandardyń arasynda 15 bala men bes áıel bar, taǵy 41-i jaraqat alǵan. 1370 úı zardap shekti. 

Eldiń shyǵysyndaǵy Pendjab provıntsııasynda 23 adam qaza taýyp, 7 adam jaraqat aldy. Eldiń ońtústik-batysyndaǵy Belýdjıstan provıntsııasynda 8 adam qaza taýyp, 8 adam jaraqat aldy. Kashmırdiń Pákistannyń baqylaýyndaǵy bóliginde de kúrdeli jaǵdaı oryn alǵan. 8 adam qaza taýyp, 11 adam jaraqat aldy, 47 úı qırady.

Sınoptıkterdiń boljamynsha, 29 sáýirge deıin elde qatty jańbyr jaýady. 

Aýǵanstanda tabıǵı qubylys saldarynan qaza tapqandar sany 66 adamnan asty. 600-ge jýyq úı qırap qaldy. Sý tasqyny myń gektardan astam aýyl sharýashylyǵy alqaptaryn zaqymdady. Qutqarý jumystary jalǵasýda. Bir kún buryn elde jaýaǵan jaýyn-shashyn mólsheri jyldyq normaǵa jetti. Sý tasqyny saldarynan el astanasy Kabýl men basqa 20 provıntsııa zardap shekti.