Pákistandaǵy jarylystan kóz jumǵandar sany 83 jetti, kóbi polıtseıler

ASTANA. QazAqparat - Pákistannyń soltústik-batysyndaǵy Peshavar qalasyndaǵy meshittegi lańkestik áreketten kóz jumǵandar sany 83-ke deıin ósti, 150-den astam adam jaraqat aldy. Qaza tapqandardyń kópshiligi polıtsııa qyzmetkerleri, dep habarlaıdy QazAqparat Euronews-ke silteme jasap.

Aýrýhanaǵa barǵan eldiń premer-mınıstri Shahbaz Sharıf jarylystyń artynda turǵandarǵa qarsy «qatań sharalar» qabyldaýǵa ýáde berdi. Bastapqyda terakt úshin jaýapkershilikti pákistandyq Talıban komandıri óz moınyna alǵan edi, biraq keıinirek uıym dinı nysandarǵa jasalǵan shabýyl onyń saıasatyna qaıshy keletinin túsindirip, shabýylǵa qatysy joqtyǵyn aıtqan.

Qalanyń qatań qorǵalatyn aımaǵynda ornalasqan sýnnıttik meshittegi shabýyl sońǵy jyldardaǵy Pákistan qaýipsizdik kúshterine jasalǵan eń qaýipti shabýyldardyń biri boldy.

Foto: ru.euronews.com