Pákistandaǵy terrorıstik shabýyldan jeti adam qaza tapty
Bul týraly aımaq úkimetiniń baspasóz hatshysy Mýrtaza Vahab óziniń Twitter paraqshasynda jazdy, dep habarlaıdy QazAqparat tilshisi qytaıdyń Sınhýa agenttigine silteme jasap.
Mýrtaza Vahabtyń jazýynsha, qaýipsizdik qyzmeti ǵımaratqa shabýyl jasaǵan barlyq 3 sodyrdyń kózin joıǵan. Qaqtyǵys kezinde 3 qyzmetker men beıbit turǵyn qaza tapqan. Taǵy 19 adam túrli jaraqat alǵan, bireýiniń jaǵdaıy aýyr.
Shabýyl jergilikti ýaqyt boıynsha saǵat 19:10 shamasynda bolǵan. Aımaqtyq úkimettiń baspasóz hatshysy málimdegendeı, sodyrlar polıtsııa ǵımaratyna negizgi qaqpa arqyly kirip, oq jaýdyryp, 25-ten astam granata laqtyrǵan.
Bul áreketti elde tyıym salynǵan «Tehrık-ı-Talıban Pákistan» uıymy óz moınyna aldy. Juma kúni keshke jarııalanǵan málimdemede shabýyldyń negizgi nysany - Karachı qalasyndaǵy polıtsııa bólimi bolǵandyǵy aıtylǵan.
Pákistannyń premer-mınıstri Shahbaz Sharıf polıtsııa men qaýipsizdik qyzmetine júıeli uıymdastyrylǵan áreketi úshin alǵys aıtyp, terrorıstik shabýyldy qatań aıyptady.
Osyǵan deıin Pákistanda ekstremıster toby polıtsııa ofısin shabýyldap jatqany habarlanǵan bolatyn.