Pákistandaǵy terakt kezinde bir adam qaza taýyp, 10 polıtseı jaraqat aldy

ISLAMABAD. QazAqparat – Pákistannyń soltústik-batysynda Haıber-Pahtýnhva provıntsııasynda lańkes eki jarylys jasap, bir polıtseı qaza tapty jáne 10-y jaraqat aldy. Bul týraly eldiń quqyq qorǵaý organdary málimdedi, dep habarlaıdy QazAqparat Sınhýaǵa silteme jasap.

Oqıǵa Haıber okrýginde bolǵan. Jergilikti quqyq qorǵaýshylardyń málimdeýinshe, lańkes ýchaskeniń basty qaqpasynyń aldynda kezekshilik atqaryp turǵan polıtseı ony toqtatqan kezde ol ózin jaryp jibergen. Tártip saqshysy sol jerde qaza tapty.

Jarylys bolǵan jerge basqa polıtseıler jınalǵan kezde taǵy bir lańkes ózin jaryp, 10 adam jaraqat aldy. Zardap shekkender jaqyn jerdegi aýrýhanaǵa jetkizildi. Onyń birnesheýi aýyr halde jatyr. Teraktini ázirge eshqandaı top óz moınyna almady. Polıtsııa men qaýipsizdik kúshiniń iri kontıngenti oqıǵa ornyna kelip, tergeý júrgizý úshin aýdandy qorshaýǵa aldy.