Pákistandaǵy terakt kezinde 35 adam qaza tapty

ISLAMABAD. ANADOLY. QazAqparat – Pákistannyń Haıber-Pahtýnhva provıntsııasyndaǵy terakt kezinde 35 adam qaza tapty, dep habarlaıdy QazAqparat Anadoly agenttigine silteme jasap.

Jergilikti BAQ-tyń habarlaýynsha, jarylys eldiń koalıtsııalyq Úkimeti seriktesteriniń biri Ýlem ıslam qoǵamynyń (JUI-F) kongresi ótkizilgen ǵımaratta bolǵan.

Shabýyl úshin jaýapkershilikti áli eshkim óz moınyna alǵan joq. Jarylys saldarynan 35 adam qaza taýyp, 80-nen astam adam jaralandy.

Ýlem ıslam qoǵamynyń kongresine 500-den astam delegat qatysqan.

Qaqtyǵystar men qaýipsizdikti zertteý ınstıtýtynyń statıstıkasyna sáıkes, jyl basynan beri Pákistandaǵy terakt sany 79 paıyzǵa ósti.

Instıtýttyń málimetinshe, jarty jyl ishinde elde 271 terakt bolyp, 389 adam qaza tapqan.