Pákistanda taekvondodan ótken halyqaralyq týrnırde qazaqstandyq sarbaz jeńimpaz atandy

NUR-SULTAN. QazAqparat - Qazaqstan Qorǵanys mınıstrligi Ortalyq sport klýbynyń sportshy-nusqaýshysy Jansel Denız Islamabadta ótken «Pakistan Open International Taekwondo (G-1)» halyqaralyq týrnırde «altyn» aldy.

Bul týraly QazAqparat QR Qorǵanys mınıstrliginiń baspasóz qyzsetine silteme jasap habarlaıdy.

Jalpy G-1 dárejesindegi saıysta túrli elder 500-den astam atlet qatysyp, 16 jıyntyq medal oınatyldy.

– Armııa sportshysy kásibı sheberliginiń joǵary deńgeıin kórsetti. Týrnırdiń reıtıngi boıynsha Qazaqstan quramasy alty altyn medal alyp, jalpykomandalyq esepte birinshi orynǵa turaqtady, - dedi Ortalyq armııa sport klýby tóraǵasynyń orynbasary – Shtattyq komandany daıarlaý ortalyǵynyń bastyǵy maıor Ánýar Úsenov.

Saıys ótken elden bólek, týrnırge Aýǵanstan, Albanııa, Nepal, Iordanııa, Qazaqstan, Oman, Mysyr, Iran, Túrkııa, Marokko, Birikken Arab Ámirlikteri, Salvador, Horvatııanyń úzdik sportshylary qatysty.