Pákistanda iri terakt: 9 polıtseı qaza tapty, ondaǵan adam jaralandy

ISLAMABAD. QazAqparat – Pákistannyń shyǵysynda Belýdjıstan provıntsııasynda terakt saldarynan toǵyz polıtsııa qyzmetkeri qaza taýyp, 11 adam jaraqat aldy, dep habarlaıdy QazAqparat CNN-ge silteme jasap.

Jergilikti bıliktiń málimetinshe, jankeshti lańkes dúısenbi kúni kópirde tártip saqshylary mingen kólikke shabýyldaǵan.

Kachchı aýdanynyń bas polıtseıi Mehmýd Notezaıdyń málimdeýinshe, polıtseıler mingen kólikke Sıbı aýdanynda shabýyl jasaǵan.

«Boljam boıynsha, ony jankeshti lańkes jasady», - dedi ol. Bul shabýyldy áli eshkim moınyna alǵan joq.

Jaraqat alǵan ofıtserler arasynda úsheýi aýyr halde jatyr.

Pákistandaǵy aýmaǵy boıynsha eń iri provıntsııalardyń biri sanalatyn Belýdjıstan birneshe ondaǵan jyl boıy separatısterdiń yqpalynda. Olar elden táýilsizdik talap etýde.

Dúısenbi kúngi jarylys birneshe aıdyń ishinde Pákistan tártip saqshylaryna jasalǵan úshinshi iri shabýyl.

Aıta keteıik, sońǵy ýaqytta eldegi lańkestik áreketter sany kún saıyn artyp keledi. Ásirese, Haıber-Pahtýnhva men Belýdjıstan provıntsııalarynda.