Pákistanda ekstremıster toby polıtsııa ofısin shabýyldap jatyr

ISLAMABAD. QazAqparat – Jumys kúni Pákistannyń Sınd provıntsııasyndaǵy Karachı qalasynda polıtsııanyń bas ofısine ekstremıster shabýyl jasady. Bul týraly TASS agenttigi Geo.tv telearnasyna silteme jasap málim etti, dep habarlaıdy QazAqparat.

Sodyrlar toby Karachı qalasynyń ortalyǵynda ornalasqan polıtsııa ýchaskesin basyp alýǵa árekettenýde.

Polıtsııa málimetinshe, ǵımaratqa kem degende 8-10 ekstremıst kirgen.

Telekanal habarlaǵandaı, qarýly qaqtyǵys jarty saǵattan astam jalǵasyp jatyr. Atys saldarynan qutqarý qyzmetiniń qyzmetkeri jaraqat aldy. Qazir ol aýrýhanada, ómirine qaýip joq.

Aıta keteıik, sońǵy kezde Pákistanda terrorıstik shabýyldar kóbeıdi. Lańkestik áreketter elde tyıym salynǵan radıkaldy top «Tehrık-ı-Talıban Pákistan» («Pákistan tálibteriniń qozǵalysy», TTP, tyıym salynǵan «Talıban» qozǵalysymen baılanysty) 2022 jyldyń maýsymynda ıslam respýblıkasynyń úkimetimen jasalǵan bitimge kelý týraly sharttyń kúshin joıǵannan keıin kóbeıdi.

Foto: geo.tv