Pákistanda ekskýrsııa kezinde 10 oqýshy sýǵa batyp ketti

ASTANA. QazAqparat – Pákistannyń Haıber-Pahtýnhva provıntsııasynda oqýshylardy Tanda kóli arqyly tasymaldap bara jatqan keme aýdaryldy. Polıtsııa málimetinshe, 11 adam qutqaryldy, dep habarlaıdy QazAqparat Deutsche Welle-ge silteme jasap.

Pákistannyń soltústik-batysyndaǵy Haıber-Pahtýnhva provıntsııasynda oqýshylardy Tanda kóli arqyly tasymaldap bara jatqan shaǵyn keme aýdarylyp, 10 oqýshy mert boldy. The Times of India basylymynyń 29 qańtar, jeksenbi kúni jergilikti polıtsııa ókiline silteme jasap habarlaýynsha, marqumdardyń jasy 7-14 jas aralyǵynda bolǵan.

Bılik 11 bala qutqarylǵanyn, onyń altaýynyń jaǵdaıy aýyr ekenin málim etti. Polıtsııa ókilderiniń túsindirýi boıynsha, dinı mekteptiń 25-30 oqýshysy kememen ekskýrsııaǵa shyqqan.

Foto: dw.com