Pákistanda avtobýs órtenip, on segiz adam mert boldy
08:40, 14 Qazan 2022
ISLAMABAD. SINЬHÝA-QazAqparat – Sársenbi kúni keshke Pákistannyń ońtústigindegi Sınd provıntsııasynda jolaýshylar avtobýsy órtenip, kem degende 18 adam, onyń ishinde segiz bala mert boldy, taǵy 28 adam zardap shekti. Bul týraly jergilikti polıtsııa bastyǵynyń orynbasary Vadjıd Tahım málim etti, dep habarlaıdy QazAqparat Sınhýa agenttigine silteme jasap.
Onyń aıtýynsha, oqıǵa Djamshoro okrýgindegi Nurabad mańynda bolǵan. Avtobýs Karachı portty qalasynan Dadý okrýgindegi Haırpýr-Natan-Shahqa qaraı bara jatqan.
Polıtsııanyń habarlaýynsha, alǵashqy tergeý órttiń salqyndatý júıesindegi aqaýdan shyqqanyn kórsetti. Polıtsııa, qutqarýshylar men órt sóndirýshiler oqıǵa ornyna shuǵyl jetip, órtti sóndirip, zardap shekkender men qurban bolǵandardyń máıitterin aýrýhanaǵa jetkizgen.
Avtobýs salonynda bir aýyldyń 55 jolaýshysy bolǵan. Vadjıd Tahım qaıtys bolǵandardyń arasynda segiz bala bar ekenin atap ótti.
Aýrýhana qyzmetkerleri zardap shekkenderdiń sany artýy múmkin ekenin aıtty, óıtkeni zardap shekkenderdi qatty kúıik shalǵan eken jáne olardyń jaǵdaıy aýyr.