Pákistanda avtobýs órtenip, 20 adam qaza tapty

ISLAMABAD. SINЬHÝA-QazAqparat – Pákistannyń shyǵysyndaǵy Pendjab provıntsııasy Hafızabad aýdanynda keshe jolaýshylar avtobýsy pıkappen soǵysyp, órtengen. Saldarynan 20 adam tirideı janyp ketti, 15 turǵyn zardap shekti, dep habarlaıdy QazAqparat Sınhýa agenttigine silteme jasap.

Qutqarý qyzmetiniń sózinshe, apat Feısalabad Toll Plaza avtojolynda tańerteń bolǵan. Avtobýs otyn tasymaldap bara jatqan pıkappen soǵysqan, sol sebepti de órt bastaldy.

Aqparat túskennen keıin qutqarýshylar birden oqıǵa ornyna kelip, zardap shekkenderdi jergilikti aýrýhanaǵa jetkizdi, dep habarlady qutqarý qyzmeti.

Olardyń keıbiriniń denesin kúıik shalǵan, úsheýiniń jaǵdaıy óte aýyr, dep tolyqtyrdy mekeme.

Qutqarý qyzmetiniń málimetinshe, avtobýsta shamamen 40 jolaýshy bolǵan.

Derekter boıynsha, avtobýs eldiń ońtústigindegi Karachı portty qalasynan el astanasy Islamabadqa bara jatqan.