Pakıaony jeńgen WBO chempıony Golovkınmen aıqasqysy keledi

NUR-SULTAN. QazAqparat - Aýstralııalyq boksshy Djeff Horn (19-1-1, 13 KO) Gennadıı Golovkınmen (39-1-1, 35 KO) jekpe-jek ótkizgisi keletinin aıtty, dep habarlaıdy QazAqparat Sports.kz-ke silteme jasap.

«Men taǵy bir álem chempıony tıtýlyn alǵym keledi. Kroýfordqa qarsy jekpe-jekke ózimniń beldigimdi tigýden qoryqqan joqpyn, dál solaı «Kanelo» nemese Golovkınmen kezdesýge de birden keliser edim. Boks – fanattar úshin, ol qyzyq tamasha», - deıdi Horn.

Djeff Horn eki jyl buryn WBO tujyrymy boıynsha jartylaı orta salmaqtaǵy álem chempıony beldigi úshin ótken jekpe-jekte Mennı Pakıaony jeńgen, biraq byltyr Terens Kroýfordtan jeńilip, sol beldiginen aıyrylyp qalǵan. Qazir onyń orta salmaqtaǵy WBO Oriental beldigi bar.