P.Poroshenko Ýkraınaǵa Reseı áskeriniń kirgenin málimdedi

ASTANA. QazAqparat - Ýkraına Prezıdenti Petr Poroshenko Ýkraınaǵa Reseı áskeriniń kirgenin málimdedi. Ol Túrkııaǵa saparyn toqtatyp, shuǵyl túrde Ulttyq qaýipsizdik jáne qorǵanys keńesin shaqyrdy, dep habarlady RBK.

«Donetsk oblysynda, atap aıtqanda, Amvrosıevka pen Starobeshevoda jaǵdaı kúrt ýshyǵýyna baılanysty Túrkııa Respýblıkasyna jumys saparymdy toqtatýǵa sheshim qabyldadym. Sebebi, Ýkraınaǵa Reseı áskeri kirdi», - dep málimdedi Poroshenko.

Sonymen qatar, mundaı jaǵdaıda Prezıdenttiń orny Kıevte bolýy kerektigin aıtqan Poroshenko aldaǵy is-qımyldar josparyn jasaý úshin Ýkraınanyń UQQK otyrysy ótetinin habarlady. Ýkraına BUU Qaýipsizdik keńesiniń otyrysyn jedel shaqyrtý qajet dep sanaıdy. «Álem Ýkraınadaǵy kúrt ýshyqqan jaǵdaıǵa baǵa berýi tıis», - deı kele ol Ýkraına Eýroodaqtyń shuǵyl keńesin shaqyrý úshin eýropalyq áriptesterine júginetinin atap ótti.