Ozyq tehnologııanyń arqasynda Shardarada maqta ónimdiligi 2 ese artty

TÚRKІSTAN. QazAqparat - Shardaralyq sharýalar ozyq tehnologııanyń arqasynda maqta ónimdiligin 2 ese arttyrǵan, dep habarlaıdy QazAqparat oblys ákiminiń baspasóz qyzmetine silteme jasap. 

«Iirjaragro» JShS-ne qarasty egistik alqapty aralaǵan jumysshy top ınnovatsııalyq tamshylatyp sýarý ádisimen egilgen 300 gektar maqta alqabynda boldy. Adam kúshin tolyqtaı tehnıkamen almastyratyn bul tásildiń ereksheligi - sharýalar mol ónimge qol jetkizedi. Aıtalyq, byltyr osy sharýashylyq ár gektarynan 55 tsentnerden aq ulpa jınaǵan.

«Orta eseppen alatyn bolsaq, byltyr aýdanda maqtanyń orta óniminiń kólemi gektaryna 28,4 tsentnerdi quraǵan bolsa, osy sharýashylyqtyń ózinde bul kórsetkish 55 tsentnerge jetti. ıAǵnı, ınnovatsııalyq tehnologııany engizýdiń arqasynda bir sharýanyń ózi eki ese ónimge qol jetkizip otyr. Osynaý ádisterdiń tıimdiligin jáne utqyrlyǵyn jergilikti basqa da sharýalarǵa túsindirip, nasıhattap kelemiz. Sonyń nátıjesi bolar, bıyl "Iirjaragrodan" bólek, taǵy da úsh sharýashylyq tamshylatyp sýǵarý ádisine kóship otyr», - deıdi aýdan ákimi Bolatbek Qystaýov.

Jalpy, Shardarada aýyl sharýashylyǵy boıynsha 243 myń gektar jer bolsa, sonyń 64 myń gektery - sýarmaly. Sýarmaly jerlerdiń 60 myń gektarǵa jýyǵy tolyǵymen ıgerilip, 24 gektarǵa maqta egiligen. Elbasynyń sýarmaly jerlerdiń kólemin 600 myń gektarǵa kóbeıtý tapsyrmasy aıasynda da aýdanda tıisti jumystar atqarylyp jatyr. Oǵan mysal retinde, Jaýshyqum aýyldyq okrýgindegi 12192 gektar jerdi sýǵarýǵa múmkindiktiń tabylǵanyn aıtýǵa bolady. Ol úshin Syrdarııa ózeninen sý tartý jumystary júrgizilýde. Oǵan «Qazsýshar» respýblıkalyq mekemesi atsalysyp keledi.

Jalpy, osy joba iske asqan jaǵdaıda bıyl aýdandaǵy aýyl sharýashylyǵy óniminiń kólemi 30 mlrd. teńgege jetedi dep josparlanýda. Tek qana Jaýshyqum massıvinen 500 myń tonnadan astam ónim óndirilmek. Sonyń nátıjesinde, jańa jumys oryndary ashylady degen boljam bar.