Ózimiz de qyz tárbıelep otyrmyz - Edil Jańbyrshyn qyz alyp qashatyndarǵa qylmystyq jaýapkershilik engizýdi usyndy

<p>ASTANA. KAZINFORM &ndash; Májilis depýtattary qyz alyp qashý áreketine zańmen tosqaýyl qoıýdy birneshe jolyn usyndy.</p>

Mádenıet týraly zańnamany jetildirýge arnalǵan zańnyń jobasyn talqylaý kezinde qyz alyp qashý dástúrin án arqyly nasıhattap júrgen óner ıelerine syn aıtyldy.

- Belgili ánshiler qazir sahnada osyndaı ánder aıtyp júr. Ony teledıdardan kórsetedi.

«Alyp qasham,

Meıli olaı qalama

Kelin qylam seni qalaı da anama», - dep shyrqap júr.

Ekinshi ánshi aıtady:

«Kóresiń

Meniń úıime barasyń!

Basyńa appaq oramal taǵasyń

Kóndirem,

Kónesiń!

Qyz bolyp kelesiń

Kelin bolyp qalasyń», - deıdi. Osyndaı májbúrleýdi teledıdar arqyly nasıhattap júrmiz. Mundaı kontentke tyıym zańmen tyıym salý kerek, - dedi depýtat Murat Ábenov.

Edil Jańbyrshın áriptesiniń pikirine qoldaý bildirdi.

- Basqa ulttyń bireýi jasamaıdy. Jasap júrgen ózimiz. Meniń úsh qyzym bar, mysaly. Aldymyzdan ótip, quda túsip alǵanyn bárimiz de jaqsy kóremiz. Al mynaý qoǵamdaǵy úlken dert. Úlken másele. Buǵan qylmystyq jaýapkershilik qarastyrý kerek, - dedi depýtat.

Májilis tóraǵasy Erlan Qoshanov bul máseleniń kún tártibindegi zańdarǵa qatysy joq bolǵanymen, aldaǵy otyrystarda jeke talqylaýǵa laıyq ekenin aıtty.