Ózin generalmyn dep tanystyrǵan adam sottalýshyny para berýge ıtermelegen

NUR-SULTAN. QazAqparat Bıylǵy 20 shildede Aqmola garnızony Áskerı sotynyń úkimimen ózin áskerı general dep tanystyrǵan A. Ámrın 7 jylǵa bas bostandyǵynan aıyryldy. Ol jazasyn orta qaýipsizdik mekemesinde óteıdi.

QR Sybaılas jemqorlyqqa qarsy is-qımyl agenttigi baspasóz qyzmetiniń habarlaýynsha, Ámrın ysyrap etý faktisi boıynsha sottalýshyny Semeı garnızonynyń Áskerı sotynyń aqtaý úkimin shyǵarý úshin sottyń laýazymdy tulǵalaryna 10 mıllıon teńge kóleminde para berýge ıtermelegeni jáne alaıaqtyq áreketi úshin kináli dep tanyldy.

«Buryn sottalǵan tıisinshe para berýge oqtalǵany úshin kináli dep tanylyp, sot ony 8 jylǵa bas bostandyǵynan aıyrdy. Ol jazasyn ortasha qaýipsiz mekemede óteıdi. Úkim zańdy kúshine engen joq»,-delingen habarlamada.