Ózimniń jáne balamnyń amandyǵy úshin: Aqmolalyq jas ana Comirnaty vaktsınasyn aldy

KÓKShETAÝ. QazAqparat - Aqmola oblysynda vaktsınatsııa naýqany jalǵasyp jatyr. Búgingi tańda Pfizer kompanııasynyń Comirnaty vaktsınasy bala emizetin 110-nan astam áıelge egildi. Osy vaktsınany alǵandardyń biri – Botagóz Aqbaeva ekpeden keıingi kóńil-kúıi týraly óz oıymen bólisti, dep habarlaıdy QazAqparat tilshisi oblystyq densaýlyq saqtaý basqarmasynyń baspasóz qyzmetine silteme jasap.

Botagóz Aqbaevanyń aıtýynsha, óńirge «Pfizer» kompanııasynyń Comirnaty vaktsınasy túskennen keıin oǵan birden vaktsınanyń bar ekendigi týraly habarlandyrýdy aldy.

«Dárigerler maǵan vaktsına alýdy usyndy, men bir apta boıy oılanyp, endi mine ony alýǵa kelip otyrmyn. Men bala emizetin anamyn, alty aılyq sábıim bar. Kóńil-kúıim kóterińki», - dep óz oıymen bólisti Botagóz Aqbaeva.

Sonymen birge, jas ana vaktsına alýǵa óziniń jáne balasynyń qaýipsizdigi úshin barǵanyn aıtýda.

«Meniń vaktsına alýdaǵy basty sebebim - ózimniń jáne balamnyń qaýipsizdigi. Bala emizetin ózge analardy da qoryqpaı, vaktsına alýǵa shaqyramyn», - dep qosty Botagóz Aqbaeva.

Kókshetaý emhanasynyń akýsherııa jáne gınekologııa jónindegi bas dárigeriniń orynbasary Juldyz Alpılamnyń aıtýynsha, ekpeden keıingi naýqastyń jaǵdaıy jaqsy. Boljam boıynsha, aldymen ol jarty saǵat boıy medıtsına qyzmetkerleriniń baqylaýynda boldy, sodan keıin onyń jaǵdaıy úsh kún boıy telefon arqyly tekseriledi.

Kókshetaý qalalyq emhanasynyń pedıatrııa bóliminiń meńgerýshisi Janna Elemesovanyń málimetinshe, naýqan bastalǵannan beri qalada bala emizetin 25 áıel vakına alǵan.

«Búginde 121 jasóspirim ekpe aldy. Júkti áıelder áli bolǵan joq, biraq sársenbige jazylǵandar bar. Emhanada aqparattyq-túsindirý jumysy júrgizilip jatyr», - dedi Janna Elemesova.

Aıta ketsek, 2021 jylǵy 28 qarashadaǵy jaǵdaı boıynsha Aqmola oblysynyń halqyn Pfizer qamtý (1 komponent) kórsetkishi 12-17 jas aralyǵyndaǵy jasóspirimder boıynsha – 498 adam, júkti áıelder boıynsha – 10 adam, bala emizetin áıelder boıynsha – 110 adam, al vaktsınatsııaǵa jatatyndar sany 66 105 adamdy qurap otyr.

Eske sala ketsek, DDSU maquldaǵan álemdegi alǵashqy vaktsına – Pfizer Aqmola oblysyna 17 qarashada túsken bolatyn. Birinshi kezeńde 35 100 doza jetkizildi.