Ózimizge kútimmen qaraý arqyly ózgelerdi qaýipten qorǵaımyz – Jazıra Japarqul

TÚRKІSTAN. QazAqparat – Dúnıejúzinde taraǵan pandemııaǵa baılanysty elimizde engizilgen karantındik rejım erteńimiz úshin qajet. Ziltemirshi ári Olımpıadanyń kúmis júldegeri Jazıra Japparqul jurtshylyqty sabyrǵa shaqyryp, karantın tártibine baǵynýǵa úndedi, dep habarlaıdy QazAqparat tilshisi.

«Búkil álemdi sharpyǵan alapat dert elimizdi de aınalyp ótpedi. Halqymyzdyń basyna túsken aýyrtpalyq birigýdi, asqan uıymshyldyq pen tózimdi talap etýde. San ǵasyrlyq ǵumyrynda qazaq halqy talaı náýbatty bastan keshirdi. Bul qıyndyqtyń da ótkinshi ekeni sózsiz. Sabyr men qanaǵattyń, tártip pen qanaǵattyń synalar sáti kelip tur. Qazaq qandaı qıyndyqta da bel aldyrmaǵan, keler kúnnen úmitin úzbegen qaısar halyq. Búginimizge saqtyqpen qarasaq, erteńgi kúnimizdiń shýaqty bolary sózsiz. Sondyqtan da karantın talaptaryna túsinistik tanytqanymyz abzal. Babalarymyz densaýlyqty birinshi baılyqqa tekke teńemegen bolar. Ózimizge kútimmen qaraý arqyly ózgelerdi qaýipten qorǵaı alamyz. Uly dalanyń qyran tektes urpaǵy aman bolsyn!», - deıdi Jazıra Japparqul.

Eske salaıyq, Qazaqstanda koronavırýsqa qatysty epıdemıologııalyq ahýaldyń órshýine baılanysty bıylǵy 5 shildeden bastap 14 kúnge qatań shekteý sharalary engiziledi.