Ózimdi jańa nárseni úırenýge qushtar shákirt sııaqty sezinemin - Golovkın

NUR-SULTAN. QazAqparat - Tanymal qazaqstandyq boksshy Gennadıı Golovkın Saýl Alvares pen Danıel Djeıkobs jekpe-jegine ne úshin barǵanyn aıtty, dep habarlaıdy QazAqparat tilshisi.

«Men boks keshine tek Djeıkobs pen «Kanelony» kórýge kelgen joqpyn. Men osyndaǵy erekshe atmosferany sezinip, boks dese ishken asyn jerge qoıatyn kórermendi, bokstyń basy-qasynda júrgen jandardy kórý úshin keldim. ıAǵnı, ózim talaı ret qazanynda qaınaǵan tirshilikti kórgim keldi. Ony seziný kerek», - deıdi sportshy Instagram-da jarııalanǵan vıdeoda.

«Sportshy retinde sol nárseni sezinseń, seniń soǵan muqtajdyǵyńdy bildiretin ózgeshe sezim paıda bolady. Bul - úzdiksiz jattyǵyp, óz maqsatyńa umtylýǵa yntalandyratyn motıvatsııalardyń biri», - deıdi GGG.

Qazaqstandyq boksshy jańa komandadaǵy, jańa bapkerdiń baqylaýyndaǵy jattyǵý týraly da bir-eki aýyz pikir bildirdi.

«Komandada jańa ádis-tásilder, jańa áser. Qazir bárine jańasha qaraı bastadym. Árıne, buryn durys istemedik dep turǵan joqpyn. Biz óz salamyzda birshama jetistikterge jettik. Al munda basqa varıanttar shyǵyp jatyr. Men ózimdi jańa nárseni úırenýge qushtar, bárin baıqap kórgisi keletin, kóbirek bilýge umtylǵan shákirt sııaqty sezinemin», - deıdi eks-chempıon.

Eske sala keteıik, 25 sáýir kúni Gennadıı Golovkın budan bylaı bapkeri Sanchespen jumys istemeıtinin jarııalady. Sodan keıin Abel Sanches jaǵdaıǵa qatysty pikir bildirip, Golovkındi ashkóz dep aıyptaǵan bolatyn.