Ózgelerdiń múlkin tonaǵandar eshqashan halqymyzdyń patrıoty bola almaıdy - Toqaev
«Ózgelerdiń múlkin tonap, olardyń ómirine qaýip tóndirgen azamattar eshqashan halqymyzdyń patrıoty bola almaıdy. Mundaı adamdar - zańdy óreskel buzǵan qylmysker. Olar zań aldynda jaýap berýi tıis», - dedi Memleket basshysy volonterlerdiń «Birgemiz» respýblıkalyq front-keńsesiniń resmı ashylýynda.
Aıta keteıik, elordada Qazaqstan Prezıdentiniń qatysýymen volonterlerdiń «Birgemiz» respýblıkalyq front-keńsesiniń resmı ashylý sharasy ótýde. Keńse EKSPO kórmesiniń «Art Hub» pavılonynda ornalasqan. Saltanatty rásimde «QQAZVOLUNTEER.KZ» onlaın platformasynyń qyzmeti jáne volonterliktiń «Bilim», «Qamqor», «Úmit», «Sabaqtastyq», «Taza Álem» jáne «Saulyq» 7 salalyq baǵyty boıynsha alańdary tanystyrylady. Atalǵan jobalardy júzege asyrý aıasynda azamattardyń naqty jergilikti máselelerdi sheshýdegi talpynysyn qoldaý úshin shaǵyn granttar bólý qarastyrylýda.
Front-keńse búkil Qazaqstannyń volonterleri úshin keńes berý, ádistemelik, oqytý jáne aqparattyq ortalyqqa aınalmaq. Sondaı-aq, ol volonterlik jobalar men oqytý baǵdarlamalaryn úılestirý, monıtorıng jasaý, volonterlikti ilgeriletý boıynsha biryńǵaı aqparattyq saıasatty júrgizedi jáne biryńǵaı Call-ortalyqtyń jumysyn uıymdastyrady.
Esterińizge sala ketsek, ótken jyldyń 10 jeltoqsanynda Memleket basshysy Qasym-Jomart Toqaev Jastar jylynyń jabylý jáne Volonter jylynyń ashylý saltanatynda volenterlik jumystyń negizgi baǵyttaryn ataǵan bolatyn.