Ózgeler ǵasyrlar boıyna jetetin jetistikterge bizdiń elimiz shırek ǵasyr ishinde-aq jetti - qala ákimi A. Esimov

ASTANA. 14 jeltoqsan. QazAqparat - Almatynyń Respýblıka Saraıynda Táýelsizdik kúnine arnalǵan saltanatty shara bolyp ótti. Qala ákimi Ahmetjan Esimov táýelsizdik jyldary elimizdiń barlyq salalarynda aıtarlyqtaı oń ózgeristerdiń bolǵandyǵyn jetkizdi.

Bul týraly Almaty qalasy ákiminiń baspasóz qyzmetinen habarlandy.

«Ózge elder ǵasyrlar boıyna jetken jetistikterge bizdiń elimiz shırek ǵasyr ishinde-aq jetti. Memleket basshysynyń salıqaly saıasaty arqasynda elimiz kólemdi áleýmettik-ekonomıkalyq jáne saıası reformalardy júzege asyrdy. Bul Qazaqstanǵa damyǵan memleketter qataryna qosylyp, álemniń damyǵan 50 eliniń qataryna enýge jol ashýda», - dedi Ahmetjan Esimov.

Qala basshysy Almatyda alǵash ret táýelsiz memlekettiń negizgi aktisi qabyldanǵanyn aıtty. Búginde megapolıs óziniń elimizdiń ekonomıkalyq, qarjy, mádenı, bilim ortalyǵy jónindegi mártebesin odan ári damytýda. Ol sonymen qatar osy salalar boıynsha Ortalyq Azııa óńiriniń de ortalyǵyna aınalǵan.

«Bıylǵy jyly Almaty bıýdjeti 359 mlrd. tńgeni qurap otyr, bul Armenııa, Qyrǵyzstan, Tájikstan sııaqty memleketter bıýdjetine para-par», - dedi Ahmetjan Esimov.

Qala basshysy 2013 jyldyń qoǵamdyq kólikti damytý jyly bolyp jarııalanǵandyǵyn, sonyń arqasynda qala avtoparkiniń gazben jumys isteıtin jańa avtobýstarmen, sondaı-aq trolleıbýs jáne tramvaılarmen toyqqandyǵyn, «Eko-taksı» jobasynyń júzege asqandyǵyn aıtty. Ákim keler jyly ekologııalyq kóliktiń úlesi 60% bolady dedi. Qalanyń jasyl qoryny da jańartylýda.

«Júzege asqan sharalar arqasynda Kazgıdromettiń málimeti boıynsha sońǵy bes jyl ishinde aýanyń zalaldanýy azaıǵan. Eger 2008 jyly bul kórsetkish 13,3% bolsa, bıyl 11,3% qurap otyr»,- dedi Ahmetjan Esimov.

Sóziniń sońynda qala ákimi júzege asqan sharalardyń barlyǵy Almatyny odan ári damytyp, mártebesin arttyra túsedi dedi.