Ózge ult oqýshylarynyń qazaq tilin bilýine mán beriledi – Danıal Ahmetov

ÓSKEMEN. QazAqparat – Shyǵys Qazaqstan oblysynyń ákimi Danıal Ahmetov ózge ult oqýshylarynyń qazaq tilin bilýine mán berý kerektigi týraly aıtty, dep habarlaıdy QazAqparat tilshisi.

«Óńirimizdegi ózge ult oqýshylarynyń memlekettik tildi bilýi úshin talaı sharalar qolǵa alynýda. Alaıda osyǵan deıin qazaq tilin oqytý ádistemesi tym aýyr bolǵany ras. Sonyń saldarynan oqýshylardyń kóbisi tildi durys úırene almaı qaldy. Osyǵan oraı biz oqytý ádistemesin ózgertip, barynsha jeńildettik», – deıdi aımaq basshysy qoǵamdyq keńes aldyndaǵy esep berýi kezinde.

Nátıjesinde búginde ózge ult oqýshylarynyń qazaq tiline degen qyzyǵýshylyǵy ósken. Til úıretetin muǵalimder de biliktilik arttyrýda.

Danıal Ahmetovtyń aıtýynsha, bul maqsattaǵy jumystar aldaǵy ýaqytta da jalǵasyn tappaq.