Ózge ult ókilderi bastaǵan «Til kerýeni» jobasy Baıanaýylda aıaqtalady
Oblystyq tilderdi damytý basqarmasy málim etkendeı, atalmysh jobany qysta Ekibastuz qalasynyń ózge ult ókilderi bastaǵan, dep habarlaıdy pavlodarnews.kz .
Tildik jobanyń tyńdaýshylary 3 aqpanǵa deıin flesh-trenıng, oıynnyń psıhologııalyq sıpattaǵy jańa tehnologııalary qoldanylǵan bazalyq deńgeıdegi qazaq tiliniń dáristerin tyńdap, qazaq halqynyń salt-dástúrleri, mádenıeti, tarıhymen tanysty. Tildik jobanyń jazǵy kezeńi Aqtoǵaı jáne Ertis aýdandarynda jalǵasty. Aǵymdaǵy jyldyń 29 mamyrynan 2 maýsymyna deıin Pavlodar qalasynyń «Energetık» shıpajaıynda qazaq tili arqyly qazaq halqynyń salt-dástúrlerin úırendi. Jalpy oqytý sabaqtaryn osy jobanyń avtory jáne tájirbıeli qazaq tili oqytýshysy Sholpan Kınjıkova júrgizdi.
"Aǵymdaǵy jyldyń 4-6 tamyzy aralyǵynda Baıanaýyl aýdanynyń Toraıǵyr aýylynda «Til kerýeni» jazǵy maýsymynyń saltanatty jabylýyna arnalǵan festıval ótedi. Etnoaýylda 9 kıiz úı qurylyp, dastarhan jaıylady. Shara barysynda kıizben jumys isteıtin qolóner sheberi, G.Voronkova jáne Ekibastuz qalasynyń sazben, Aqsý qalasynyń terimen, Kachıry aýdanynyń tiginmen jumys isteıtin sheberler ózderiniń sheberlik sabaqtaryn ótkizetin bolady. Sonymen qatar, qazaq halqynyń ulttyq et taǵamy - sirne jasaýdyń tehnologııasyn kórsetedi. Qonaqtarǵa jáne aýdan turǵyndaryna kontserttik baǵdarlama usynylady", - deıdi mamandar.