Ózge tilde oqytylatyn mektepterde qazaq tili men ádebıeti pánderi jeke sabaq bolmaq

NUR-SULTAN. QazAqparat – Oqytý ózge tilde júrgiziletin mektepterde qazaq tili men ádebıeti pánderin jeke oqytý máselesi pysyqtalyp jatyr. Bul týraly Ulttyq bilim akademııasynyń prezıdenti Ǵanı Beısenbaev aıtty, dep habarlaıdy QazAqparat tilshisi.

Onyń atap ótýinshe, Qazaq tili jáne ádebıeti páni muǵalimderi seziniń qorytyndysynda birqatar is-shara júzege asyryldy.

«Eń birinshisi Qazaq tili men ádebıeti páni muǵalimderiniń qaýymdastyǵy quryldy. Ol jumysyn qańtar aıynan bastady. Ekinshiden, qazaq tili men ádebıeti pánderiniń úlgilik oqý baǵdarlamalaryn jetildirý jumystaryn uıymdastyrý qolǵa alyndy. Búgingi kúni úlgilik oqý baǵdarlamalaryn jetildirýge qatysty jumys toby qurylyp, mınıstrdiń buıryǵymen bekitilýge berildi. Úshinshiden, oqytý ózge tilde júrgiziletin mektepterde qazaq tili men ádebıeti pánderin jeke oqytý máselesin qarastyrý úshin kásibı sarapshylar toby qurylyp, qazir talqylaýǵa daıyndalyp jatyr» - dedi ol Bilim mınıstrliginiń apparat jınalysynda.

Sonymen qatar ol sezd qararynda kórsetilgen máselelerdi iske asyrý jumystary qarqyndy júrgizilip jatyr. Olardyń barlyǵy osy jyly iske asyrylatyn bolady.