«Ózenmunaıgazda» jumysqa alý algorıtmi buzylǵan
«Jumys izdeýshiler kezegi kelgende aldymen qalanyń kommýnaldy kásiporyndarynda qyzmet etip, keıin ÓMG aýtstaffınginde jumys istegen soń kompanııanyń bos oryndaryna shtatqa qabyldanady. Biraq jumysqa qabyldanýy tıis ákimshiliktiń tizimine kirgen 44 adam kommýnaldy kásiporyndardyń tiziminen tabylmady», - dep jazdy kompanııadan.
Ondaǵy málimetterge qaraǵanda, sırek qoldanystaǵy mamandyq ıesi retinde qabyldanǵan 238 adamnyń 17-niń biliktiligi joq bolyp shyqqan. Taǵy 33 adam qysqa merzimde kompanııadaǵy ózge qyzmetterge aýysyp ketken.
QMG Adamı resýrstardy basqarý departamentiniń bas mamany Baqdáýlet Tólegen ÓMG kompanııasyna jumysqa qabyldaý erejelerin óreskel buzýshylar belden basyp, ádildikten attap, sybaılas jemqorlyqqa negiz bolǵan zańsyz áreketterge barǵany týraly kúdik týǵyzyp otyrǵanyn aıtty.
Bul Jańaózenniń jumyssyz turǵyndarynyń arasynda áleýmettik narazylyq týyndaýyna negiz boldy.