Ózenmunaıgazda óndiristen tys shyǵys mólsheri 1,2 mlrd teńgege jetken

AQTAÝ. QazAqparat - «Ózenmunaıgazdaǵy» tekserýler óndiristegi kemshilikterdi, belgilengen jospardyń tıisti ýaqytynda oryndalmaýyn, satyp alý merziminiń keshiktirilýin anyqtady, dep habarlaıdy QazAqparat «QazMunaıGaz» ulttyq kompanııasyna silteme jasap.

Búgin Aqtaýda ótken brıfıngte ÓMG jáne onyń merdigerlerinde tekserý barysynda jumys ornynan ýaqytynan buryn ketý jáne kólikti garajǵa erte ótkizý faktileri týraly aıtyldy. Birqatar basqarmada 4 aıda jumys ýaqytynyń 170 myńnan astam saǵaty oryndalmaǵan, óndiristen tys shyǵys mólsheri shamamen 1,2 mlrd teńgege jetken.

Tekserý kezinde osy jylǵa arnalǵan satyp alý jospary 65% oryndalǵan, sonyń ishinde taýar pozıtsııalary boıynsha bar-joǵy 58% qamtyldy. Kelisimshart jasalǵan 61 pozıtsııa boıynsha oryndaý merzimi saqtalmaǵan.

«Buzýshylyq boıynsha materıaldar quqyq qorǵaý organdaryna jiberildi. Qazir naqty baǵyttar boıynsha kemshilikterdi joıý maqsatynda jospar ázirlenýde. Keıbir máselelerdi júıeli túrde qarastyrý qajet. Olardy sheshý úshin ýaqyt pen qosymsha qarjy kerek», — dep túıindedi jumys tobynyń jetekshisi, QMG Basqarma tóraǵasynyń orynbasary Dáýletjan Hasanov.