ORAL. QazAqparat – Batys Qazaqstan oblysynda ózende qatyp qalǵan 21 kıiktiń óleksesi tabyldy, dep habarlaıdy QazAqparat tilshisi.
Kaztalov aýdany Kókterek jáne Juldyz aýyldary arasynda túsirilgen vıdeo áleýmettik jelide tarady.
«Ohotzooprom» ÓB» RMQK Batys óńirlik fılıalynan alynǵan málimetke qaraǵanda, kıikter Kókterek aýyldyq okrýgine qarasty Qarataı qystaǵy tusynda Saryózennen shyǵa almaı, qatyp qalǵan.
Bulardyń bireýi – teke, jeteýi – analyǵy, qalǵany – bıylǵy laqtar.
«Kıik ólekseleri «Ohotzooprom» men «Bókeıorda» memlekettik tabıǵı rezervaty, Jalpaqtal polıtsııa bólimi ýchaskelik ınspektorlary, jergilikti ákimdik jáne aýmaqtyq veterınarııa qyzmetkerleriniń qatysýymen muzdan shyǵarylyp, sol mań tazartyldy», - dep habarlady vedomstvodan.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).