Ózekti problemalardyń sheshimi áleýmettik úılesimdik pen turaqtylyqty nyǵaıtady - ıAo Peıshen

BEIJІŃ. QazAqparat - QR Prezıdenti Qasym-Jomart Toqaevtyń Ulttyq qoǵamdyq senim keńesindegi bastamalary Qytaı sarapshylyq qaýymynyń qyzyǵýshylyǵyn týdyrdy. Bul týraly halyqaralyq zertteýler qytaılyq qorynyń ǵylymı qyzmetkeri, QHR-dyń Qyrǵyzstandaǵy, Latvııadaǵy, Qazaqstandaǵy jáne Ýkraınadaǵy burynǵy elshisi ıAo Peıshen málim etti, dep habarlaıdy QazAqparat.

Sarapshynyń paıymynsha, Qazaqstan Prezıdenti Q. Toqaevtyń kópbalaly otbasylarǵa qoldaý jasaý bastamalarynyń mańyzy zor.

«Kópbalaly otbasylar taqyryby – ol tek qarjylyq másele ǵana emes. Bul turǵydaǵy qadamdar balalardyń tulǵalyq ósimin, olardyń ata-analarynyń ómirin, bilim men densaýlyq salasyn jáne memlekettiń bolashaq urpaǵynyń sapaly damýyn qamtyp otyr. Osyndaı ózekti problemalardyń sheshimi áleýmettik úılesimdik pen turaqtylyqty nyǵaıtady», - dedi ol.

Sonymen qatar sarapshy Qazaqstan Prezıdentiniń aýyl sharýashylyǵy jerlerin memlekettik qadaǵalaý usynysyna toqtala kele, bul bastamalar jer resýrstarynyń áleýetin tolyqqandy paıdalanýǵa múmkindik beretinin atap ótti.

«Qazaqstanda agroónerkásiptik kesheni damytý úshin úlken perspektıvalar bar. Egistik alqaptardy tıimdi paıdalaný halyqtyń ál-aýqatyn arttyrýmen qatar, eýrazııalyq naryqty aýyl sharýashylyǵy ónimimen tolyqtyrady. Osy oraıda Qytaı men Ońtústik Shyǵys Azııada bıdaıǵa degen eleýli suranys bar. Menińshe, Qazaqstan Prezıdentiniń aýyl sharýashylyǵy jerlerine memlekettik baqylaýdyń ekonomıkalyq, quqyqtyq jáne ǵylymı ádisterin paıdalaný týraly usynysy tıisti nátıje bereri anyq», - dedi ıAo Peıshen.