Ózbekstanda er kisi bas dárigerdi pyshaqtady

<p>Ózbekstannyń Ferǵana oblysy Qývasoı qalalyq medıtsınalyq birlestigine kelgen azamat pen osy emdeý mekemesiniń bas dárigeri arasynda janjal shyǵyp, sońy pyshaqtasýmen aıaqtaldy, dep habarlaıdy <a href="Kazinform" target="_blank" rel="noopener">Kazinform </a>oblystyq ІІB baspasóz qyzmetine <a href="https://t.me/fviib_uz/15306" target="_blank" rel="noopener">silteme </a>jasap.&nbsp;</p>

Aǵymdaǵy jyldyń 11 jeltoqsanynda azamat N.A. osy birlestiktiń bólim basshysy H.N.-men ózara kelispeýshilik saldarynan janjaldasyp qalǵan.

Janjal nátıjesinde azamat N.A. qaltasynda bolǵan pyshaqpen birlestiktiń bólim basshysy H.N.-ny aýyr jaraqattaǵan.

Osy jaǵdaıǵa baılanysty Ózbekstan Qylmystyq kodeksiniń 104-baby 2-pýnkti «l» tarmaǵy (qarý qoldana otyryp, denege qasaqana aýyr zııan keltirý) boıynsha qylmystyq is qozǵaldy.

Kúdikti N.A. protsessýaldyq tártipte qamaýǵa alyndy.

Atalǵan qylmystyq istiń tergeýi oblystyq ishki ister bıýrosynyń baqylaýyna alynǵany atap ótildi.