Ózbekstannyń Qoqan qalasyndaǵy bazar otqa orandy
08:54, 13 Maýsym 2023
FERǴANA OBLYSY. QazAqparat - 12 maýsym kúni Ózbekstannyń Ferǵana oblysy Qoqan qalasynda ornalasqan «Uly Jibek joly» saýda kesheninde órt shyqty. Eldiń Tótenshe jaǵdaılar mınıstrliginen málim etkendeı, keshendegi saýda dúńgirshekteri otqa oranǵan, dep habarlaıdy QazAqparat tilshisi.
Jalyn saǵat 19:17-de tutanǵan. Alǵashqy órt sóndirý bólimsheleri oqıǵa ornyna saǵat 19:25-te jetken.
«Órt-qutqarý bólimsheleriniń shuǵyl is-qımyldarynyń nátıjesinde órt 20:25-te oqshaýlandyrylyp, 23:30-da tolyǵymen aýyzdyqtaldy», - delingen habarlamada.
Tilsiz jaýdyń shyǵý sebebi men keltirilgen materıaldyq shyǵyn kólemi anyqtalyp jatyr.